Myunxengladbaxning "Borussiya" klubi himoyachisi Rami Bensebaini faoliyatini Dortmundning "Borussiya"sida davom ettirishi mumkin, deya xabar beradi jurnalist Fabrisio Romano.
Manbaga ko‘ra, 27 yoshli jazoirlik futbolchi chap qanot himoyasi uchun asosiy nomzod bo‘lib turibdi. Ushbu harakat kelasi yozda amalga oshirilishi kutilmoqda, "Borussiya" rahbariyati shartnoma ustida ishlamoqda.
O‘z navbatida 28 yoshli Rafael Gerreyru nemis klubini tark etishi mumkin.
Oldinroq Bensebainiga Milanning "Inter" klubi ham qiziqish bildirayotgani haqida xabarlar tarqalgan edi.