"ПСЖ" дарвозабони Кейлор Навас "Бавария"да оёқ суяги синган ва мавсум якунига қадар сафдан чиққан Мануэль Нойернинг ўрнига номзодлар рўйхатидан жой олди.
ran.de хабарига кўра, агар Александр Нюбелни "Монако"даги ижарасидан қайтариб бўлмаса, 35 ёшли коста-рикалик варианти асосийга ўтади.
Дарвозабон позициясини кучайтириш учун яна бир номзод Загребнинг "Динамо"сидан Доминик Ливакович бўлиб қолмоқда.
Навасга келсак, "ПСЖ" уни Чемпионлар лигасининг 1/8 финалида мюнхенликлар билан қарама-қаршилик туфайли қўйиб юбормаслиги мумкин. Кейлор жамоанинг жорий мавсумида Жанлуижи Доннарруммадан кейин иккинчи рақамли ҳисобланади.
