Мадриднинг «Реал» клуби ва Франция терма жамоаси ҳужумчиси Карим Бензема жаҳон чемпионати 1/2 финали доирасидаги Марокашга қарши ўйин олдидан терма жамоа футболчиларини қўллаб-қувватлади.
«Йигитлар, яна иккита ўйин қолди, биз деярли маррага етиб келдик! Мен сизлар биланман. Олға!" — деб ёзди Бензема ижтимоий тармоқлардаги саҳифасида.
Эслатиб ўтамиз, Бензема жароҳати сабаб ЖЧ-2022ни ўтказиб юборганди. Бироқ, 34 ёшли ҳужумчи қайдномада қолди, бу эса қоидага кўра жамоа соврин ютган тақдирда бошқа ўйинчилар қаторида медаллар олиш имконини беради.
