Madridning «Real» klubi va Fransiya terma jamoasi hujumchisi Karim Benzema jahon chempionati 1/2 finali doirasidagi Marokashga qarshi o‘yin oldidan terma jamoa futbolchilarini qo‘llab-quvvatladi.
«Yigitlar, yana ikkita o‘yin qoldi, biz deyarli marraga yetib keldik! Men sizlar bilanman. Olg‘a!" — deb yozdi Benzema ijtimoiy tarmoqlardagi sahifasida.
Eslatib o‘tamiz, Benzema jarohati sabab JCH-2022ni o‘tkazib yuborgandi. Biroq, 34 yoshli hujumchi qaydnomada qoldi, bu esa qoidaga ko‘ra jamoa sovrin yutgan taqdirda boshqa o‘yinchilar qatorida medallar olish imkonini beradi.
