"Барселона" 5 декабрь куни машғулотларга қайтди, бироқ 2022 йилги жаҳон чемпионатида жамоанинг кўп қисми иштирок этгани учун бир неча ўйинчи ҳали ҳамон асосий жамоа билан машғулотларда йўқ.
Diario AS вакили Хави Мигелнинг сўзларига кўра, тўлиқ таркиб Хави учун фақат 26 декабрь куни, Жюль Кунде ва Усмон Дембеле Каталонияга қайтганидагина пайдо бўлади. Иккала футболчининг жамоаси Франция ярим финалга чиққани учун улар Қатарда камида 20 декабргача бўлишади.
Ҳар бир ўйинчининг клубга қайтиш саналари билан танишинг.
12 декабрь - Марк-Андре тер Штеген, Андреас Кристенсен
14 декабрь - Роберт Левандовски
16 декабрь - Серхи Бускетс, Эрик Гарсия, Ансу Фати, Хорди Альба, Ферран Торрес, Гави, Педри, Алекс Бальде.
19 декабрь - Рафинья, Мемфис Депай, Френки де Йонг
26 декабрь - Усмон Дембеле, Жюль Кунде
Рональд Араухо турнирда бир дақиқа ҳам майдонга тушмагани учун жамоага эрта қайтди. Бироқ, унгв жароҳатдан тикланиш учун ҳали вақт керак.
"Барса" танаффусдан кейинги илк ўйинини 31 декабрь куни "Эспаньол"га қарши ўтказади.
