"Ливерпуль"нинг колумбиялик ҳужумчиси Луис Диас жароҳати сабаб узоқ сафдан чиқди, деб хабар беради Mundo Deportivo.

Манбага кўра, футболчига ўнг тиззасининг боғлами ёрилиши ташхиси қўйилган. Қайта тиклаш даври камида уч ой бўлади. У машғулотларда жароҳат олди. Шу тариқа, колумбиялик футболчи Чемпионлар лигаси 1/8 финалининг “Реал”га қарши ҳар иккала ўйинини ҳам ўтказиб юборади.

25 ёшли Диас жорий мавсумда “Ливерпуль” сафида барча турнирларда 12 та ўйинда майдонга тушиб, 4 та гол урди ва 3 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.