ЖЧ-2022 чорак финали Нидерландия – Аргентина учрашуви вақтида аргентиналиклар ҳимоячисига қалам отилди.
The Sun нашри хабарига кўра, қалам Нидерландия терма жамоаси захира ўриндиғи томондан футболчи томон учган.
Нидерландия ва Аргентина терма жамоалари ўртасидаги ўйин ҳиссиётлар ва спортчиларга хос бўлмаган хатти-ҳаракатларга бой бўлди. Тўқнашувлардан бири Аргентина терма жамоаси ярим ҳимоячиси Леандро Паредеснинг Коди Гакпога нисбатан қўполлик ишлатганидан сўнг, Нидерландия захира ўриндиғи томон тўп тепганидан кейин содир бўлди. Ўшанда Нидерландия сардори Виржил ван Дейк Паредесга ҳужум қилган ва Паредесни ҳимоя қилиш учун Нахуэл Молина ҳам аралашган. Ўша пайтда у тарафга Нидерландия терма жамоаси захира ўриндиғи томонидан қалам улоқтирилган.
Ўйин жаҳон чемпионатлари тарихидаги энг қўпол ўйинлардан бири бўлиб чиқди: учрашувнинг бош ҳаками Антонио Мигель Матеу Лаос жами 17 та сариқ карточка кўрсатиб, жаҳон чемпионатининг антирекордини ўрнатди.
