Англия терма жамоаси бош мураббийи Гарет Саутгейт истеъфога чиқади. Англия футбол ассоциацияси (ФА) унинг ўрнига тўртта номзодни ҳозирданоқ кўриб чиқмоқда, деб хабар беради The Telegraph.
Брендан Рожерс ("Лестер Сити"), Маурисио Почеттино, Томас Тухел (иккаласи ҳам ишсиз) ва Стив Холланд (Саутгейтнинг ёрдамчиси) Англия терма жамоасини бошқариши мумкин.
Аввалроқ Саутгейт Англия терма жамоаси жаҳон чемпионатидан чиққанидан кейин ўз хоҳиши билан истеъфога чиқиш ҳақида ўйлаётгани ҳақида хабар берилганди. Бироқ, ФА мутахасис фикрини ўзгартириб, ҳеч бўлмаганда Евро-2024гача ишлашда давом этишига умид қилмоқда.
