Испания терма жамоасининг янги бош мураббийи Луис де ла Фуэнте терма жамоанинг асосий жамоаси устози сифатида илк матбуот анжуманини ўтказди.
"Футболга бўлган иштиёқимни ривожлантиришимга имкон берган Испания Қироллик футбол федерациясига ўз миннатдорчилигимни билдирмоқчиман. Тайинловни қандай қабул қилдим? Камтарлик билан. Агар Испанияда испан футболининг бугуни ва келажагини биладиган одам бўлса, ўша инсон сизнинг олдингизда.
Мен учун бу янги босқич. Терма жамоага номзодларнинг барчасида таркибга кириш учун бир хил имкониятлар мавжуд. Бизда жуда яхши футболчилар бор, улар учун барча эшиклар очиқ. Мен истеъдод ҳимоячисиман. Бутун жамоага муваффақият келтириши учун ҳар бир футболчидан максимал даражада фойдаланишга ҳаракат қиламиз.
Мен 48 миллион испанияликлар терма жамоа либоси учун жонларини беришларини истайман", - деди Испания терма жамоасининг янги бош мураббийи матбуот анжуманида.
Илгари де ла Фуэнте Испаниянинг ўсмирлар ва ёшлар терма жамоаларида ишлаган. Мутахассис асосий жамоадаги фаолиятини Қатардаги жаҳон чемпионатидан кейин бошлайди. Ушбу лавозимда Луис де ла Фуэнте 2022 йилда Қатарда бўлиб ўтааётган жаҳон чемпионати 1/8 финалида миллий терма жамоадан ишдан бўшатилган аввалги бош мураббий Луис Энрике ўрнини эгаллади.