Хорватиялик футболчи Иван Перишич Аргентинага қарши ўйин олдидан Лаутаро Мартинес ва Кристиан Ромеро билан алоқада бўлганми деган саволга жавоб берди. Улардан биринчиси билан Перишич "Интер"да ўйнаган бўлса, иккинчиси билан ҳозир "Тоттенхэм"да ўйнайди.
"Гуруҳ босқичида биз алоқада эдик, аммо кейин алоқани тўхтатдик. Лекин мен биламанки, Лаутаро ва Ромеро ўз мамлакатлари учун ўйнашни интиқлик билан кутишмоқда. Бу борада биз ўхшашмиз.
Бизни яхши ва кучли ўйин кутмоқда. Умид қиламанки, бу томошабинларга ёқади”, — деди Перишич матбуот анжуманида.
Аргентина ва Хорватия терма жамоалари ўртасидаги жаҳон чемпионати ярим финали 13 декабрь куни Тошкент вақти билан соат 00:00да бошланади.
