Хорватия терма жамоаси дарвозабони Доминик Ливакович Мануэл Нойерга ўринбосар сифатида кўрилмоқда.
Мюнхенликлар Загребнинг "Динамо" жамоасида ўйнайдиган 27 ёшли хорватга қизиқиш билдираётгани ҳақида аввалроқ бир неча бор хабар берилган эди.
Энди, нуфузли инсайдер Флориан Плеттенбергнинг сўзларига кўра, томонлар трансфер бўйича музокараларни бошлашган. "Бавария" раҳбарияти ҳақиқатан ҳам ЖЧ-2022 қаҳрамонларидан бири Мануэл Нойернинг ўрнини босадиган футболчи сифатида кўрмоқда.
Ливакович 2015 йилдан бери Загребнинг “Динамо” клуби дарвозасини ҳимоя қилиб келади ва унинг трансфер нархи Transfermarkt томонидан 8,5 миллион еврога баҳоланган.