Бразилиялик собиқ футболчи Роналдо Мессининг жаҳон чемпионатида ғалаба қозонишини истайди.
Аргентиналиклар ва бразилияликлар ўртасидаги тарихий рақобатга қарамай, "Реал"нинг собиқ ҳужумчиси 35 ёшли юлдузни қўллаб-қувватламоқда.
“Сен зўр футболчисан ва сен бунга лойиқсан, деб кубокни қўлга кирита олмайсиз – ҳаммасини ўйин ҳал қилади. Албатта, Мессида Аргентина терма жамоаси билан ғалаба қозониш учун барча имкониятлар мавжуд. Бразилиялик сифатида Аргентинанинг ғалабасидан хурсанд бўлмаган бўлардим, лекин Месси учун хурсанд бўлардим", - дейди Роналдо.
Ярим финалда Аргентина терма жамоаси Хорватияга қарши майдонга тушади, агар финалга чиқса, Франция ёки Марокаш билан тўқнаш келади.
