Нидерландия терма жамоаси бош мураббийи Луи ван Гал ўз тахминлари билан ўртоқлашди.

71 ёшли мутахассис бошчилигида Нидерландия терма жамоаси чорак финалга қадар етиб борди ва Аргентинага пенальтилар сериясида мағлуб бўлди. Мағлубиятдан сўнг мураббий нафақага чиққанини эълон қилди.

Ярим финал ўйинлари арафасида ван Гал Марокаш терма жамоасини қўллаб-қувватлашини тан олди: "Умид қиламанки, сиз финалга чиқасиз", - деди нидерландиялик мураббий марокашликларни назарда тутиб. "Мен сизни қўллаб-қувватлайман. Марокашга,олға!" - деди Ван Гал Footmercato билан суҳбатда.

Марокаш ярим финалда Францияга қарши баҳс олиб боради. Учрашув 15 декабрь куни бўлиб ўтади.