Марокаш терма жамоаси ва "Фиорентина" клуби ярим ҳимоячиси Софьян Амрабат катта эҳтимол билан фаолиятини Англияда давом эттиради.
"Ливерпуль" 26 ёшли ярим ҳимоячини ўз сафига қўшиб олмоқчи, бироқ аввалроқ хабар қилинганидек, қишда футболчи сотиб олиш ниҳоятда қийин бўлади.
"Менимча, унинг Премьер-лига клубига ўтиш имконияти жуда юқори", - дейди марокашлик журналист. "Бироқ, қизиқиш билдираётган жамоалар ёзгача кутишлари керак, чунки "Фиорентина" уни январда сотмоқчи эмас" - дея қўшимча қилди.
Софян Амрабат жорий мавсум Флоренсия жамоаси сафида 20 та ўйин ўтказди. Футболчи жаҳон чемпионатида Марокаш терма жамоасига барча бешта учрашувда қатнашиб, ярим финалга чиқишга ёрдам берди.
