Яқинда Испания терма жамоаси бош мураббийи лавозимини тарк этган таниқли мутахассис Луис Энрике Мадриднинг “Атлетико” клубидаги эҳтимолий иш ҳақида гапирди. Аввалроқ ОАВда у аргентиналик Диего Симеонени ўрнини эгаллаши мумкинлиги ҳақида хабарлар тарқалганди.
"Атлетико"да ишлаш? Клуб менга таклиф билан чиқиши керак. Ҳозирча менга ҳеч қандай сўровлар келиб тушмади" - деди мутахассис.
Эслатиб ўтамиз, Испания терма жамоаси Қатардаги жаҳон чемпионатида муваффақиятсизликка учради. Энрике бошчилигидаги “қизил фурия” жаҳон чемпионатининг 1/8 финал босқичида Марокаш терма жамоасига пенальтилар сериясида сенсацион тарзда мағлуб бўлди.
