Испания терма жамоасининг собиқ бош мураббийи Луис Энрике ўз мураббийлар штаби билан марокашлик дарвозабон Ясин Бононинг ўйинини қандай таҳлил қилгани ҳақида гапирди.

"Биз махсус таҳлил ўтказдик, у ерда маълум бўлишича, Боно фаолияти давомида дуч келган пенальтиларнинг 80 фоизини йўналишини тўғри топган. Лекин барчачини қайтара олмаган бўлса-да, фақат йўналишни аниқ топган. Бу шунчаки даҳшат. У жуда яхши дарвозабон", - деди Энрике.

Эслатиб ўтамиз, Испания терма жамоаси ЖЧдан Марокашдан пенальтилар сериясида мағлуб бўлди. “Қизил фурия” футболчиларининг биринчи ва учинчи зарбаларини марокашлик дарвозабон Ясин Боно қайтарди, иккинчи пенальти эса дарвоза устунига тегди.