Лиссабоннинг "Спортинг" клуби ҳимоячиси Педро Порро фаолиятини "Тоттенхэм"да давом эттириши мумкин, деб хабар бермоқда Sunday Express.
Манбага кўра, Лондон клуби 23 ёшли испаниялик футболчи учун 39 миллион фунт (тахминан 45,24 миллион евро) тўлашга тайёр. Аввалроқ Поррога "Реал" ҳам қизиқиш билдираётгани хабар қилинганди.
Футболчининг "Порту" клуби билан амалдаги шартномаси 2025 йилнинг ёзига қадар тузилган. Transfermarkt портали ҳимоячини 25 миллион еврога баҳоламоқда.
Жорий мавсумда Порро “Спортинг” таркибида 18 та ўйин ўтказиб, 8 та голли узатмани амалга оширди.
"Тоттенхэм" ҳозирда АПЛ турнир жадвалида 15-турдан кейин 29 очко билан 4-ўринда бормоқда. “Шпорлар” пешқадам “Арсенал”дан 8 очко ортда қолмоқда.
