Журналист Николо Скиранинг хабар беришича, "Челси" Дортмунднинг "Боруссия" клуби ва Германия терма жамоаси ҳужумчиси Юсуф Мукокони ўз сафига қўшиб олмоқчи.
Маълум бўлишича, лондонликлар келаси ёзда шартномаси тугайдиган футболчи билан музокараларни бошлаб юборган. "Челси" футболчининг июль ойида жамоага эркин агент сифатида қўшилишини истамоқда. Инглизлар Мукокога 2028 йилгача мўлжалланган катта шартнома таклиф қилишди.
18 ёшли Мукоко жорий мавсумда Дортмунднинг “Боруссия” клуби сафида барча мусобақаларда 22 та ўйинда майдонга тушди. Ҳужумчи олтита гол урди ва бешта голли узатмани амалга оширди.