Jurnalist Nikolo Skiraning xabar berishicha, "Chelsi" Dortmundning "Borussiya" klubi va Germaniya terma jamoasi hujumchisi Yusuf Mukokoni o‘z safiga qo‘shib olmoqchi.
Ma’lum bo‘lishicha, londonliklar kelasi yozda shartnomasi tugaydigan futbolchi bilan muzokaralarni boshlab yuborgan. "Chelsi" futbolchining iyul oyida jamoaga erkin agent sifatida qo‘shilishini istamoqda. Inglizlar Mukokoga 2028 yilgacha mo‘ljallangan katta shartnoma taklif qilishdi.
18 yoshli Mukoko joriy mavsumda Dortmundning “Borussiya” klubi safida barcha musobaqalarda 22 ta o‘yinda maydonga tushdi. Hujumchi oltita gol urdi va beshta golli uzatmani amalga oshirdi.