Ҳужумчилар Лионель Месси ва Хулиан Альварес Аргентина терма жамоасининг Қатардаги деярли барча учрашувлардаги голида иштирок этишди.
Хорватияга қарши кечган ва 3:0 ҳисобида якунланган ярим финал учрашувида Месси пенальтидан гол урди (дарвоқе, Альварес ишлаган) ва дубл қайд этган Альваресга голли узатмани амалга оширди.
BBC нашри хабарига кўра, Аргентина терма жамоасининг ЖЧ-2022даги 12 голидан фақат биттасида иккала ўйинчи ҳам иштирок этмаган - қолган барча голларда Месси ва Альварес рақиблар дарвозаси ишғол этилишида бевосита иштирок этган.
"ПСЖ"нинг 35 ёшли вакили ҳисобига бешта гол ва учта самарали узатма муаллифи бўлган бўлса, "Манчестер Сити"нинг 22 ёшли ҳужумчиси тўртта гол уришга муваффақ бўлди.
