Португалиялик собиқ ярим ҳимоячи Манише Жозе Моуриньони терма жамоанинг янги бош мураббийлигига энг яхши номзод деб ҳисобламоқда.
Португалияликлар чорак финалда Марокашга (0:1) имкониятни бой бериб, Қатардаги жаҳон чемпионатидаги ўйинларини якунлади. Бу натижа Фернанду Сантушнинг жамоада қолишини сўроқ остига олди.
Миш-мишларга кўра, Жозе Моуриньо янги бош мураббийликка асосий номзодлардан бири ва машҳур собиқ футболчи Манише бу вариантни маъқуллайди: "Моуриньо бу лавозимга жуда мос келади", - дейди ТМW билан суҳбатда собиқ ярим ҳимоячиси.
"У энг яхши клубларда ишлади, барча мумкин бўлган совринларни қўлга киритди - терма жамоада ўз кучини синаб кўриш вақти келди. У жуда тажрибали ва маҳаллий мураббий, қолаверса, хорижий футболни жуда яхши билади", - дея қўшимча қилди Манише.
