"Манчестер Юнайтед" бош мураббийи Эрик тен Хаг "Ньюкасл"нинг жорий мавсумдаги муваффақиятини юқори баҳолади.
Эслатиб ўтамиз, айни дамда Эдди Хау шогирдлари Англия Премьер-лигасида учинчи, "манкунианликлар" эса бешинчи ўринда бормоқда. Жамоалар ўртасидаги фарқ 4 очко.
"Ньюкасл" сезиларли даражада ўсди ва яхши натижаларга эришмоқда. Клуб тўғри сармоя киритди. Бунинг эвазига улар яхши натижа қайд этишлари керак. Жамоа тўғри муҳит ва маданиятни яратди" - деди Тен Хаг Manchester Evening News билан суҳбатда.
Ўтган йилнинг кузида "Ньюкасл" Саудия Арабистонидан давлат жамғармаси томонидан сотиб олинган эди. Ўшандан бери жамоа ривожи учун 200 миллион евродан ортиқ маблағ йўналтирилди.
