"Олтин тўп" соҳиби, "Реал" ҳужумчиси Карим Бензема Испанияни тарк этиб, фаолиятини Англия Премьер-лигасида давом эттириши мумкин. Бу маълумотни Yahoo Sports нашри тарқатмоқда.
"Манчестер Юнайтед" португалиялик Криштиану Роналду билан шартномани бекор қилганидан сўнг, 34 ёшли ҳужумчини ўз сафига қўшиб олмоқчи. "Қизил иблислар" Каримни "Олд Траффорд"га ўтишга ишонтириш учун унга юқори маош таклиф қилишга тайёр.
Бензема ва "Қироллик клуби" ўртасидаги амалдаги келишув муддати жорий мавсум охиригача мўлжалланган. Январь ойидан бошлаб франциялик футболчи янги клублар билан музокара олиб бориши мумкин.
