Мадриднинг “Атлетико” клуби Лондоннинг “Челси” клубига икки ҳужумчи хизматини таклиф қилди. Журналист Низар Кинселланинг сўзларига кўра, "кўклар"га Матеус Кунья ва Жоау Феликс таклиф қилинган.
Эслатиб ўтамиз, "Челси" январь ойидаги трансфер ойнасида жароҳат олган, бу мавсум бошқа ўйнамайдиган Армандо Броянинг ўрнига янги ҳужумчи сотиб олиши керак. Келгуси ёзда Кристофер Нкунку жамоага қўшилиши мумкинлиги сабабли, "кўклар" трансфер бозорида қисқа муддатли вариантни қидирмоқда.
Аввалроқ "Челси" Феликсга қизиқиш билдираётган эди, аммо клуб португалиялик футболчи учун 100 миллион евродан кўпроқ пул тўлашга рози бўладими ёки йўқми, буниси номаълум. Куньяга эса АПЛнинг "Арсенал", "Вулверхэмптон" ва "Эвертон" каби клублари ҳам қизиқиш билдирмоқда.
