Madridning “Atletiko” klubi Londonning “Chelsi” klubiga ikki hujumchi xizmatini taklif qildi. Jurnalist Nizar Kinsellaning so‘zlariga ko‘ra, "ko‘klar"ga Mateus Kunya va Joau Feliks taklif qilingan.
Eslatib o‘tamiz, "Chelsi" yanvar oyidagi transfer oynasida jarohat olgan, bu mavsum boshqa o‘ynamaydigan Armando Broyaning o‘rniga yangi hujumchi sotib olishi kerak. Kelgusi yozda Kristofer Nkunku jamoaga qo‘shilishi mumkinligi sababli, "ko‘klar" transfer bozorida qisqa muddatli variantni qidirmoqda.
Avvalroq "Chelsi" Feliksga qiziqish bildirayotgan edi, ammo klub portugaliyalik futbolchi uchun 100 million yevrodan ko‘proq pul to‘lashga rozi bo‘ladimi yoki yo‘qmi, bunisi noma’lum. Kunyaga esa APLning "Arsenal", "Vulverxempton" va "Everton" kabi klublari ham qiziqish bildirmoqda.
