"Барселона" ҳужумчиси Усмон Дембеле 2023 йилнинг ёзида "Челси"га ўтиши мумкин. Mundo Deportivo хабарига кўра, лондонликлар уни 50 миллион еврога сотиб олишни ўйламоқда.

Футболчининг "Барселона" билан шартномаси 2024 йилнинг ёзига қадар мўлжалланган. Дембелега шахсан “Челси” бош мураббийи Грэм Поттер қизиқмоқда. "Барселона" ўз навбатида футболчини қўйиб юборишга тайёр эмас ва шартномани узайтиришни режалаштирмоқда.

Франциялик футболчи 2017 йилда Дортмунднинг "Боруссия"сидан "Барселона"га ўтган эди. Transfermarkt портали футболчини 60 миллион еврога баҳоламоқда.

25 ёшли ҳужумчи жорий мавсумда “Барселона” сафида 20 та ўйинда майдонга тушиб, 5 та гол урди ва 7 та голли узатмани амалга оширди.