L'Equipe нашри хабарига кўра, "Лестер" Франциянинг "Анже" клуби ярим ҳимоячиси Аззедин Унаига қизиқиш билдирмоқда.
Манбанинг хабарига кўра, инглиз клуби қишки трансфер ойнасида марокашлик футболчини сотиб олмоқчи ва у учун 45 миллион евро таклиф қилишга тайёр. Аввалроқ футболчига "Барселона" ва "Севилья" клублари ҳам қизиқиш билдираётгани ҳақида хабарлар тарқалган эди.
Жорий мавсумда 22 ёшли Унаи “Анже” ва Марокаш терма жамоаси сафида барча мусобақаларда 22 та ўйин ўтказиб, гол ура олмаган. Унинг клуб билан шартномаси 2026 йилнинг ёзига қадар мўлжалланган.