Хорватия терма жамоаси ҳужумчиси Андрей Крамарич Марокаш терма жамоаси ҳақида гапирди.

Шанба куни 2022 йилги жаҳон чемпионатида учинчи ўрин учун ўйинда хорватлар ва марокашликлар майдонга тушишади. Жамоаларнинг йўллари гуруҳ босқичида кесишган ва ўйин 0:0 ҳисобида дуранг билан якунланган.

"Марокашнинг натижалари мени ҳайратда қолдирмади. Биринчи ўйинимиздан сўнг уларда яхши жамоа бор, дейиш мумкин. Улар жуда қаттиқ ўйнашади, яхши ташкилотчиликка эга, жуда яхши ҳимояланишади. Уларнинг таркибида эса кўплаб иқтидорли футболчилар бор", - деди Крамарич 24sata билан суҳбатда.

Хорватия – Марокаш учрашуви 17 декабрь куни Тошкент вақти билан соат 20:00да бошланади.