"Рейнжерс" ярим ҳимоячи Янис Хаджи билан янги шартнома имзолади. Шотландия клуби расмий сайтида 24 ёшли руминиялик футболчи билан янги шартнома имзолангани ҳақида маълум қилди. Келишув тафсилотлари ошкор этилмаган.
Футболчининг отаси Руминиялик футбол афсонаси Георге Хаджи бўлиб, у "Реал Мадрид", "Барселона" ва "Галатасарой" клубларининг собиқ футболчиси.
Бу мавсумда Хаджи жароҳати сабаб майдонга тушмади. Ўтган мавсумда у барча турнирларда 27 та ўйинда майдонга тушиб, 4 та гол урди ва 4 та голли узатмани амалга оширди. Transfermarkt.com портали футболчининг нархини 7 миллион еврога баҳоламоқда.
