Саудия Арабистонининг “Ан-Наср” футбол клуби президенти Муслим Ал-Муаммар португалиялик ҳужумчи Криштиану Роналду билан шартнома имзоланиши мумкинлиги ҳақида фикр билдирди.
"Криштиану яқинда Жаҳон чемпионатида ўйнади, у банд эди. Ҳеч ким билан музокара олиб боришини кутмагандим. Биз бошқа футболчиларни ҳисобга олмаймиз. Мен Криштиануга ҳар қандай қарорида омад тилайман", - деди "Ан-Наср” президенти SSC Sports билан суҳбатда.
Олдинроқ Роналду мавсумига 200 миллион евро маош билан 2,5 йиллик шартнома имзолаб, "Ан-Наср"га ўтиши мумкинлиги ҳақида хабар берилган эди, бироқ 37 ёшли португалиялик футболчи фаолиятини Европанинг Чемпионлар лигасида иштирок этадиган топ клубларидан бирида давом эттиришга қарор қилганди. Роналду "Реал" базасида машғулот ўтказиб, жисмоний ҳолатини сақлаб турибди.
