"Реал" бош мураббийи Жозе Моуриньо Испания терма жамоаси яримҳимоячиси Санти Касорланинг хизматларидан воз кечди, дея хабар беради испан матбуоти.
Эслатиб ўтамиз, Касорла "Малага"дан кетиб Лондоннинг "Арсенал" клубига ўтиш истагида. Айни пайтда у Англия пойтахтида бўлиб турибди ва "канонирлар" раҳбарияти билан шартнома борасида музокара олиб бормоқда.
Моуриньо эса "Тоттенҳем" яримҳимоячиси Лука Модрични ўз жамоаси сафида кўиш орзусидан қайтгани йўқ, шунинг учун у Касорлани сотиб олишни истамади. "Қироллик клуби"дагилар хорват футболчисининг "Реал"га келишига шубҳа қилишмаяпти.
