Аргентина терма жамоаси бош мураббийи Лионель Скалони ҳужумчи Лионель Месси Қатарда бўлиб ўтаётган ЖЧ-2022дан сўнг термадаги фаолиятини якунлаши мумкинлигини айтди.
"Умид қиламизки, агар бу Леонинг сўнгги ўйини бўлса, биз кубокни ютамиз. Бу жуда зўр бўларди ва асосийси ундан завқ олиш. Жаҳон чемпионати финалидан яхшироқ нима бўлиши мумкин", - деди Скалони.
18 декабрь, якшанба куни Франция ва Аргентина терма жамоалари ўртасида ЖЧ-2022 финали бўлиб ўтади. Бошланиши Тошкент вақти билан соат 20:00 да.
Агар Месси ушбу учрашувда майдонга тушса, жаҳон чемпионатидаги фаолиятидаги 26-учрашувини ўтказади ва бу янги рекорд бўлади.
Эслатиб ўтамиз, навбатдаги жаҳон чемпионати бўладиган 2026 йилда Месси аллақачон 39 ёшда бўлади.
