"Рома" ҳужумчиси Николо Дзаньолонинг агенти Клаудио Вигорелли мижозининг келажаги ҳақидаги миш-мишларга изоҳ берди. Италияликнинг клуб билан амалдаги шартномаси 2024 йилнинг ёзида якунига етади ва аввалроқ унинг хизматларига Туриннинг "Ювентус" клуби қизиқаётган эди.

"Рома” ва Тиаго Пинто билан муносабатларимиз яхши. Биз янги шартномани клуб вақти келганини айтган пайтда муҳокама қилишга келишиб олдик. Энди Николо учун энг муҳими бор эътиборни ўйин ва машғулотларга қаратиш. Клуб биз музокарага тайёр эканлигимизни билади. Такрор айтаман, “Рома” раҳбарияти билан яхши муносабатдамиз. Николо бу ерда бахтли", - дея агентнинг сўзларини келтиради La Gazzetta dello Sport.