Марокаш терма жамоаси ярим ҳимоячиси Софян Амрабатга "Барселона" жиддий қизиқиш билдирган.
26 ёшли футболчи жаҳон чемпионатида ажойиб ўйин кўрсатди ва трансфер бозорида энг кўп муҳокама қилинадиган футболчилардан бирига айланди.
Амрабатга Англия Премьер-лигасининг кўплаб вакиллари, шунингдек, "Барселона" ва "Атлетико Мадрид" қизиқиш билдирмоқда. Релевонинг сўзларига кўра, каталониялик гигант ҳақиқатан ҳам марокашликка даъво қилмоқда, аммо уни сотиб олиши даргумон, чунки у "Фиорентина"нинг 40 миллион еврога яқин талабини қондира олмайди.