Англия терма жамоасининг собиқ футболчиси Гари Невилл мамлакат футбол ассоциациясининг бош мураббий Гарет Саутгейт билан ҳамкорликни давом эттириш қарорига изоҳ берди.
“Менимча, бу тўғри қарор. Янги йил арафасида бу масала муҳокама қилинишини эшитиб, масалани очиқ қолдириш менга нотўғри туюлди.
Турнирда ҳамда Францияга қарши яхши ўйнадик. Ўйлайманки, биз ўша оқшом энг яхши жамоа эдик, лекин футболда шундай бўлади. Биз ҳар кимнидир айбдор қилиб кўрсатмоқчи бўламиз, лекин бу сафар, менинг фикримча, буни амалга оширишнинг иложи йўқ”, деди Невилл Sky Sports нашрига берган интервьюсида.
Англия терма жамоаси жаҳон чемпионатининг чорак финалида Франция жамоасига 1:2 ҳисобида ютқазди.
