Франция терма жамоаси ва “Манчестер Юнайтед” ҳимоячиси Рафаэль Варан Қатарда бўлиб ўтган жаҳон чемпионатидаги финал ўйини натижаси ҳақида фикр билдирди.
Кеча "уч ранглилар" Аргентина терма жамоасига пенальтилар сериясида мағлуб бўлишди, учрашувнинг асосий ва қўшимча бўлимларида ғолиб аниқланмади – 3:3.
"Мен жамоамиз билан фахрланаман, чунки учрашув давомида биз икки марта ўйинга ҳисобда тенглашиб олдик. Биз жисмонан яхшироқ эдик ва охиригача курашдик", - деди Варан RMC Sport билан суҳбатда.
Футболчининг қўшимча қилишича, ҳозир унинг жамоасини ҳафсаласи пир бўлган, аммо барибир ушбу турнирдаги тарих билан фахрланади.
