Англия терма жамоасининг собиқ ҳужумчиси Питер Крауч франциялик ҳужумчи Килиан Мбаппенинг ЖЧ-2022 финалида Аргентинага урган иккинчи голи ҳақида фикр билдирди. 23 ёшли футболчи ажойиб зарбаси билан жанубий америкаликлар дарвозасини ишғол этди.
"Килиан яхши таассурот қолдирди, лекин мен ҳам 2006 йилда худди шундай ишни қилганман", - дея Крауч ижтимоий тармоқларда хабар қолдирди.
Франция терма жамоаси Мбаппенинг хет-трикига қарамай, пенальтилар сериясида Аргентинага имкониятни бой берди – 2:4. Ўйин давомида жамоалар 3:3 ҳисобида дуранг ўйнашди. Турнир натижаларига кўра, Килиан жаҳон чемпионатининг энг яхши тўпурари бўлди.
