Мадриднинг "Реал" клуби бош мураббийи Карло Анчелотти Аргентина терма жамоаси ЖЧ-2022 финалида Франция устидан қозонилган ғалабадан сўнг (3:3, пенальтилар серияси 4:2) Лионель Мессининг Криштиану Роналду билан рақобати ҳақида гапирди.
Месси финалда дубл қайд этди ва турнирнинг энг яхши футболчиси деб топилди.
"Бу рақобат Месси ва Роналдуга туртки бўлди. Ўтган йиллар давомида улар футбол оламининг бош меъморлари бўлишди - улар жуда яхши ўйнашди ва кўп гол уришди.
Месси фаолиятини ЖЧ ғалабаси билан якунлайди, Роналду эса, аксинча, бироқ, у ҳали ҳам ажойиб мартабага эга. Айниқса, "Реал"да. У мухлислар қалбида абадий қолади" - деди Анчелотти.
