"Астон Вилла" ва Аргентина терма жамоаси дарвозабони Эмилиано Мартинес ЖЧ-2022 йилнинг энг яхши дарвозабони совринини қўлга киритгандан сўнг ўзининг ишораси ҳақида фикр билдирди.
Турнир финалида Аргентина терма жамоаси Францияни мағлуб этди (3:3, 4:2 – пенальтилар серияси). Мартинес турнирнинг энг яхши дарвозабони деб топилди ва олтин қўлқоп кўринишидаги мукофотга сазовор бўлди. Совринни олгач, 30 ёшли аргентиналик дарвозабон ножўя ҳаракат қилди.
"Мен буни франциялик мухлислар менга нисбатан хуштакбозлик қилишгани учун қилдим. Такаббурлик менга ўтмайди" - деди Мартинес Radio La Red билан суҳбатда.
