"Aston Villa" va Argentina terma jamoasi darvozaboni Emiliano Martines JCH-2022 yilning eng yaxshi darvozaboni sovrinini qo‘lga kiritgandan so‘ng o‘zining ishorasi haqida fikr bildirdi.
Turnir finalida Argentina terma jamoasi Fransiyani mag‘lub etdi (3:3, 4:2 – penaltilar seriyasi). Martines turnirning eng yaxshi darvozaboni deb topildi va oltin qo‘lqop ko‘rinishidagi mukofotga sazovor bo‘ldi. Sovrinni olgach, 30 yoshli argentinalik darvozabon nojo‘ya harakat qildi.
"Men buni fransiyalik muxlislar menga nisbatan xushtakbozlik qilishgani uchun qildim. Takabburlik menga o‘tmaydi" - dedi Martines Radio La Red bilan suhbatda.
