"Милан" бош мураббийи Стефано Пиоли жамоа ҳужумчиси Рафаэль Леауга "Челси" қизиқиш билдираётгани ҳақидаги миш-мишларга муносабат билдирди.
"Мен Рафага янги шартнома имзолашни ва "Милан"да қолишни маслаҳат бердим. Қарасам, у биздан хурсанд. Бу ерда у янада кучайиш имкониятига эга бўлади", - дея Пиоли сўзларини келтиради Sky Sports.
Леау 2019 йилнинг августидан буён “Милан” сафида тўп суради ва жорий мавсумда жамоа сафида барча турнирларда 31 та ўйинда майдонга тушиб, 9 та гол ва 10 та голли узатмани амалга оширди.
Сўнгги ЖЧ-2022да ҳужумчи Португалия терма жамоаси сафида 5та ўйинда 2та гол урди.
Леаунинг "россонерилар" билан шартномаси 2024 йилнинг июнь ойи охиригача тузилган, Transfermarkt.com 23 ёшли футболчининг нархини 85 миллион еврога баҳолаган.
