"Спортинг" бош мураббийи Рубен Аморим Португалия терма жамоаси ҳужумчиси Криштиану Роналдунинг клубга ўтиши мумкинлиги ҳақидаги саволга жавоб берди.
"Мен ҳеч нарса сўрамайман. Бизга фақат кўпроқ сабр ва ишонч керак. Футболчилар билан шартнома имзолаш январь ёки ёзда бўлади.
Роналду? У Қатарда эди, матбуот анжуманида бу ҳақда Криштианудан сўраш имконига эга бўлдингиз, лекин буни қилмадингиз. Сиз аллақачон мендан 500 марта сўрагансиз ва мен аллақачон жавоб берганман", - деди мураббий MaisFutebol билан суҳбатда.
Криштиану Роналду Лиссабоннинг “Спортинг” клуби тарбияланувчиси. Роналду "Манчестер Юнайтед"ни кузда тарк этган ва ҳозирда эркин агент ҳисобланади. У Португалия терма жамоаси таркибида 2022 йилги жаҳон чемпионатида иштирок этган. Унинг жамоаси чорак финалда Марокашга имкониятни бой берди.
