Лондоннинг “Челси” клубининг собиқ эгаси ва россиялик машҳур олигарх Роман Абрамович Туркиядан клуб сотиб олишга тайёр, чунки у ҳозир мамлакатнинг энг йирик шаҳри Истанбулда истиқомат қилади. Бу ҳақда Hurriyet нашри хабар бермоқда.
Манбага кўра, Абрамович аллақачон қиймати бир миллиард евродан ортиқ бўлган яхталарини маҳаллий портларга боғлаб қўйган.
Эслатиб ўтамиз, Роман Абрамович "Челси"га 19 йил - 2003 йилдан 2022 йилгача эгалик қилган. Санкциялар туфайли у жамоани сотиб юборди.
Абрамович қўл остида "аристократлар" кўплаб совринларни қўлга киритишди, улардан энг машҳурлари 2012 ва 2021 йилларда икки марта Чемпионлар Лигаси кубоги ва беш марта Премьер-лига чемпионлигидир.
