Аргентина терма жамоасининг бир неча футболчилари чемпионлик парадида автобус томидан қулаб тушишига сал қолди.
Сешанба куни Буэнос-Айресда бўлиб ўтган чемпионлик парадида Аргентина терма жамоаси футболчилари икки қаватли автобусда шаҳарнинг марказий кўчалари бўйлаб жаҳон чемпионати кубогини олиб ўтишди.
ESPN телеканали автобус томида ўтирган Лионель Месси, Анхел Ди Мария, Леандро Паредес, Родриго Де Пауль ва Николас Отамендиларнинг кўча симлари остидан ўтиш чоғида сўнгги лаҳзада эгилгани, натижада улар ўз ўринларида қолиш учун қийналгани тасвирини эълон қилди. Бунда кабель Леандро Паредеснинг бошидаги қалпоқчани уриб юборди.
"Огоҳ бўлинг, чемпионлар!" - дейилади ESPN нинг "Твиттер"даги эълон қилинган видеода.
