"Бенфика" ярим ҳимоячиси Энцо Фернандес "ПСЖ"га ўтиши мумкин.
RMC Sport нашри хабарига кўра, француз клуби раҳбарияти ушбу трансфер туфайли жамоа ичидаги рақобатни кучайтирмоқчи.
Олдинроқ ОАВ 21 ёшли ярим ҳимоячи хизматларига "Реал", "Барселона", "Манчестер Сити", "Ливерпуль" ва бошқа кўплаб топ-клублар қизиқиш билдираётгани ҳақида хабарлар тарқалганди. Қайд этилишича, “Бенфика” ўз футболчисини келаси ёзда 100 миллион евро эвазига қўйиб юборишга тайёр.
Эслатиб ўтамиз, Фернандес Қатарда ўтган сўнгги жаҳон чемпионатининг энг яхши ёш футболчиси сифатида эътироф этилганди.
