Англия терма жамоаси ва “Манчестер Юнайтед” клубининг собиқ ҳужумчиси Уэйн Руни португалиялик Криштиану Роналду ва аргентиналик Лионел Месси ҳақида фикр билдирди.

"Мен Криштиануни ҳурмат қиламан ва уни энг яхши деб биладиганларни тушунаман. Мен уларнинг фикрини қабул қиламан, лекин Месси бутунлай бошқача. Мен унга қарши бир неча бор тўқнаш келдим ва у тўпни қандай бошқариши ва назорат қилишини кўрсатди. Лео ўйинни бошқарди, шерикларга ёрдам берди ва гол урди. Унга яқинлашишнинг иложи йўқ. У ҳар доим ҳамма нарсани назорат қилади. Агар Месси тўпга эгалик қилса, ўйиннинг боришини аниқлаб беради. Унинг рақиби ролида бўлиш жуда қийин" - деди Руни The Times газетасига.

Месси Аргентина билан биргаликда ЖЧ-2022 ғолибига айланди.Финалда "Альбиселесте" Францияни мағлуб этди (3:3, 4:2 пен.).