Буэнос-Айрес полицияси Аргентина терма жамоасининг ЖЧ-2022даги ғалаба шарафига ўтказилган чемпионлик парадидан сўнг пойтахт марказидаги Обелиск ёдгорлигида 13 кишини ҳибсга олди, деб хабар бермоқда La Nacion.
Обелиск ичига бир нечта одам киришди, улардан бири ҳатто ёдгорликнинг энг тепасига кўтарилди. Ушбу фанатни эвакуация қилиш учун ўт ўчириш бригадасининг аралашуви талаб қилинган. Шунингдек, бир қанча муштлашувлар ва ҳибсга олишга қаршилик кўрсатиш ҳолатлари қайд этилган, 9 нафар қурбонлар қайд этилган.
Обелиск ичида 4 киши, ёдгорлик ёнида эса яна 9 киши ҳибсга олинган.
20 декабрь, сешанба куни Аргентина терма жамоасининг чемпионлик паради бўлиб ўтди. Футболчиларни кутиб олиш учун Буэнос-Айрес кўчаларига 3 миллиондан 4 миллионгача одам чиқди. Аввалига футболчилар Обелискгача машинада боришлари режалаштирилган эди, бироқ кўчаларда одамларнинг кўплиги туфайли транспортнинг ҳаракатланишига имкон қолмади. Шу муносабат билан футболчилар автобусни тарк этиб, вертолётларда учиб кетишди.
