"Вильярреал" Испания кубоги 1/32 финалида "Гихуэло"ни меҳмонда мағлуб этди - қўшимча таймларда 2:1.
Асосий вақтда меҳмонлар сафида Жерар Морено, мезбонлар сафида эса Хосе Кармона Родригес гол урди. “Вильярреал” ҳужумчиси Арно Груневелд қўшимча дақиқаларда ғалаба тўпини киритди.
Куннинг бошқа ўйинларида “Эльче” “Гвадалахара” устидан ғалаба қозонди (3:0), “Хетафе” “Диосесаньос”ни (2:0), “Интерсити” “Мирандес”ни (2:0), “Картагена” “Алькоркон”ни (1:1, пенальтилар сериясида – 4:2) ), “Мальорка” “Реал Унион”дан кучлироқ чиқди (1:0), “Атлетик” "Сестао"ни (1:0), “Эспаньол” эса “Атлетико Пасо"ни кубокдан(1:0) чиқариб юборди.
Испания кубогининг 1/16 финал босқичига қура ташлаш санаси ҳали тасдиқланмаган. Ушбу босқич ўйинлари 2023 йилнинг 3-5 январь кунлари бўлиб ўтади.
