Англия лига кубоги 1/8 финалида “Вулверхэмптон” ўз майдонида “Гиллингем”ни қабул қилиб, 2:0 ҳисобида ғалаба қозонди.

Мезбонлар таркибида Рауль Хименес ва Раян Айт-Нури гол уришди.

Параллель ўйинларда "Лестер" "МК Донс"ни мағлуб этди, "Ньюкасл" "Борнмут"дан кучлироқ бўлди (1:0), "Саутгемптон" эса "Линкольн" устидан ғалаба қозонди (2:1).

Англия лига кубоги чорак финалига қура ташлаш маросими кейинроқ бўлиб ўтади. 21 декабрь, чоршанба куни 1/8 финалнинг "Блэкберн" - "Ноттингем Форест", "Чарльтон" - "Брайтон" ва "Манчестер Юнайтед" - "Бёрнли" учрашувлари, 22 декабрь куни эса "Манчестер Сити" - "Ливерпуль" ўйини бўлиб ўтади.