"ПСЖ" чап қанот ҳимоячиси Нуну Мендеш Чемпионлар лигасининг 1/8 финалида "Бавария" билан биринчи учрашув олдидан жароҳатини даволашга улгуради.
20 ёшли португалиялик Қатарда бўлиб ўтган ЖЧда терма жамоаси сафида Уругвайга қарши ўйинда чап сон қисмидан жароҳат олган эди. Маълум бўлишича, футболчи яқин 2 ой ичида француз клубига ёрдам бера олмаслиги ва унинг 14 февраль куни "Бавария" билан уй учрашувида иштирок этиши сўроқ остида қолган эди. Бироқ, Le Parisen футболчининг январь ойи охирида сафга қайтиши ва бу унга мюнхенликлар билан ўйинда иштирок этиш имконини беришини таъкидлади.
Европанинг асосий клублар мусобақасидаги жамоаларнинг жавоб учрашуви 8 мартга белгиланган.
